योग्य ला बनाबो नवा उम्मीदवार,
बनबो हमन लोकतंत्र के भागीदार ।
जाके करबो हम मतदान जरूर,
मतदान हवय जी हमर अधिकार ।।
जेन करय लोगन ले सुग्घर व्यवहार,
मुखिया हो सिधवा अउ मिलनसार ।
एक वोट के कीमत ला समझौ,
मतदान हवय जी हमर अधिकार ।।
सोंच विचार चुनबो हितवा सरकार,
सरेखा करे सबके अउ रहे समझदार,
झन बेंचव दारू-पैसा मा अपन ईमान,
मतदान हवय जी हमर अधिकार ।।
लालच देवय ओला भगावव मार,
करथे उही हा जन-जन के बंठाधार ।
खोलव जी सब मन के पट ला,
मतदान हवय जी हमर अधिकार ।।
मुकेश उइके "मयारू"
ग्राम- चेपा, पाली, कोरबा(छ.ग.)
मो.नं.- 8966095681
